E kujtoni këngëtaren zeshkane nga Durrësi Morena Reka ndërsa këndonte “Jemi zemrat e çdo moshe” me Redon Makashin dhe Bledar Sejkon në festivalet e asaj kohe? Tashmë është 45-vjeçe dhe jeton në Shtetet e Bashkuara të Amerikës si nënë e katër fëmijëve të rritur, tre vajza dhe një djali. Në fund të muajit shkurt, Morena festoi 20-vjetorin e vajzës së madhe Laurës, që duket se është kopja e saj për nga ngjashmëria fizike. Në një dedikim kushtuar së bijës, Morena shkruante në profilin e saj në Facebook: Gëzuar 20 vjetorin vogëlushe! Jam krenare që po bëhesh grua e fortë! Duket se Morena është shumë e lidhur edhe me dy vajzat e tjera më të vogla dhe djalin 10-vjeçar. Shpesh ndan me miqtë momente të bukura me familjen, katër fëmijët dhe bashkëshortin që e quan ‘gjysma ime më e mirë’, transmeton “Story”. Nga fotot e artistes, e cila edhe pse mungon në tregun muzikor shqiptar vazhdon karrierën me koncerte për shqiptarët e Amerikës, bie në sy fakti që kalon shumë kohë me fëmijët. Po ashtu nuk mund të mos përmendim faktin se Morena Reka është ndër të paktat artiste që nuk ka ndryshuar në pamjen e saj. Edhe pse ka sjellë në jetë katër fëmijë, ruan të njëjtat linja si para viteve 90-të, kur në skenë debutonte si një nga artistet e reja më të preferuara në atë kohë nga publiku. Po ashtu vëmë re se ka ruajtur bukurinë origjinale, pa pasur nevojën e ndërhyrjeve estetike në fytyrë. /Story.al
