Disa ditë më parë, Luana Vjollca lajmëroi ndjekësit e saj me një foto se së shpejti do të sillte një projekt të ri muzikor. Bëhet fjalë për një bashkëpunim, të cilin moderatorja shqiptare kishte vendosur ta mbante sekret dhe për pak kohë, megjithatë pas lajmeve që qarkulluan nëpër portale ditën e sotme, ajo vendosi të zbulonte akoma më shumë detaje. Kënga titullohet ‘Sonte’ dhe do të jetë në bashkëpunim me një nga këngëtarët më të dashur të publikut, Ramadan Krasniqi. “Kënaqësi të bashkëpunoja me një ndër ikonat e muzikës shqiptare”, shkruan ajo në foto, ndërsa më poshtë shkruan se kënga do të publikohet ditën e nesërme. Sigurisht fansat e saj janë ‘sulur’ menjëherë në komente dhe duket se ende pa u publikuar, është pritur shumë mirë nga publiku./revistawho.com
https://www.instagram.com/p/BxArWI7nafy/?utm_source=ig_share_sheet&igshid=b8iatrxuo6us
