E ndihmoi Era Istrefin të bënte ëndrrën realitet, flet Faton Shoshi: Nuk hoqa dorë derisa Era pranoi…

Era Istrefi mund të quhet triumfuesja e dy viteve të fundit në muzikë. Artistja shqiptare arriti atë që secili nga kolegët e saj e ka ëndërr. Pas suksesit me këngën ‘Bon Bon’, Era arriti të nënshkruajë kontratë me Sony dhe Ultra Music, kontrata që i hapën dyert e karrierës në botë. Prapa gjithë këtij suksesi padyshim se qëndron një person, Faton Shoshi i cili e ka mbështetur Erën drejt këtij suksesi. Në një intervistë për “Express Rozë”, Shoshi thotë se nuk ishte e lehtë ta bindte Erën të futej në grupin e tij. Pasi kishte dëgjuar një këngë të saj, Fatoni e kishte ndarë mendjen ta merrte në ekip duke thënë se Era ka të ardhme. “Era në atë kohë ka pasur shumë oferta të majme, por negociuam. Nuk ishte e lehtë sepse ajo kishte kërkesat e veta. Por unë me çdo kusht, me çfarëdo çmimi nuk e lëshoja dhe më në fund ja dola”, -thotë Fatoni.