Këngëtari i njohur Ylli Limani ishte i ftuar së fundmi në emisionin “Mirëmbrëma Yje” me Arbana Osmanin. Në prani të prindërve të tij, Ylli ndau detaje nga jeta e tij profesionale dhe private, duke ofruar një atmosferë të ngrohtë dhe të sinqertë.
Një nga momentet më interesante të intervistës ishte kur Arbana vendosi të luanin lojën e njohur “E kam bërë, s’e kam bërë”, ku pyetjet e saj ngjallën të qeshura dhe emocione.
Në një nga pyetjet, Arbana e ngacmoi Yllin duke e pyetur:
Arbana: “I ka ndodhur që ta ngatërrojnë me Butrint Imerin dhe i ka lënë që ta ngatërrojnë me Butrint Imerin dhe ka bërë foto sikur ka qenë Butrint Imeri?”
Në këtë moment, mamaja e Yllit ndërhyri me humor duke thënë:
Mamaja e Yllit: “Unë mendoj që se ka bërë.”
Ylli, mes të qeshurave, e pranoi këtë situatë duke treguar:
Ylli: “E kam bërë. Çfarë t’i thosha? Ai vetëm Yll s’po më thërriste. Dhe mendova se po t’ia tregoja që s’jam Butrinti, do ishte mërzitur, ndaj i thosha ‘Po, po. Unë jam.’”
Ky moment i sinqertë dhe humoristik i intervistës tregon më shumë rreth personalitetit dhe thjeshtësisë së Yllit.
