Ndarja nga jeta e këngëtarit të njohur, Dr.Flori, ishte një humbje shumë e madhe jo vetëm për familjen e tij por edhe për artistët e tjerë të cilët e vlerësonin dhe e mbështesnin. Këtë ka treguar edhe moderatori Ermal Mamaqi ditën e sotme me postimin e tij të fundit. Ai ka publikuar një foto në një restorant në Përmet bashkangjitur me një foto të vjetër në po atë vend, vite më parë në shoqërinë e Dr.Florit. “Ka dhe kujtime të bukura që na trishtojnë…Rrugës për Përmet, ndalova tek i njëjti vend. Asgjë nuk kishte ndryshuar. Si 8 vite më parë. E njëjta tavolinë, të njëjtat karrige. I paharruar Dr.Flori”, shkruan ai në foton e publikuar. Dr.Flori ka qenë një nga artistët më të dashur, ndaj kujtohet akoma me shumë dashuri nga të gjithë kolegët, miqtë dhe njerëzit e tij të zemrës.
https://www.instagram.com/p/B3kSxmQB-oW/
