Presidenti i Shteteve të Bashkuara Donald Trump u emërua këtë vit si “Personazhi i vitit”. Por ka diçka që nuk shkon me foton e tij në kopertinën e Revistës “Time”. Hidhini një sy kopertinës.
E vutë re? Nëse jo jua themi ne.
Trump-it i kanë vënë brirë. Shkronja “M” duket si brirët e djallit dhe njerëzit po shkruajnë në Twitter në lidhje me këtë. A është kjo një mënyrë e fshehtë për ta shfaqur urrejtjen ndaj njeriut që mbajti fjalime raciste dhe margjinalizoi themelet e demokracisë amerikane? Apo është thjesht një incident?
Përgjigja është asnjëra. Kjo gjë ka ndodhur shumë herë. Ka ndodhur me kopertinën e Hillary Clinton, Papës, Putinit, Bushit, Obamas, Lincolnit etj. Kjo ndodh sepse shkronja “M” duket si brirë dhe është në mes të kopertinës së revistës. Siç “Time” shkruajti: “Çdo ngjashmëri me macet, lakuriqët e natës apo brirë djalli është koinçidencë.”
