Një grup murgeshash të reja rokere, do të performojnë javën e ardhshme në Panama. Me mijëra katolikë, përfshirë edhe vetë Papa do të jenë prezentë në festimet e ditës botërore të rinisë.
“Ne jemi të kënaqura për muzikën tonë dhe mesazhin që përcjellim, që është dashuri ,vërtetësi, gëzim, shpresë. Duam të prekim sa më shumë njerëz që të mundemi, e nëse Papa është mes tyre, atëherë kjo na kënaq edhe më shumë”, tha motra Ivone.
Të njohura si ‘Siervas’, apo shërbyeset, grupi luan këngë të krishtera, të cilat nuk ndryshojnë edhe aq shumë nga ato të grupeve të rrymës kryesore të rokut.
Një prej videove të tyre muzikore ‘Beso në zot’, është bërë virale në ‘Youtube’ dhe ka rreth 2 milionë klikime.
E tani murgeshat do të performojnë në festimet ku do të jetë prezent dhe Papa Françesku./revistawho.com
