Ditëlindja e pestë e Poem Blu është shndërruar në një moment të veçantë familjar, i mbushur me emocione, surpriza dhe mesazhe zemre nga të dy prindërit e saj të njohur.
Vajza e këngëtarit Ledri Vula dhe influenceres Sara Hoxha festoi 5-vjetorin mes ngjyrave, lodrave dhe shoqërisë së miqve të vegjël, ndërsa momentet më të bukura u ndanë në rrjetet sociale nga vetë Sara.
Në një nga postimet e saj, ajo shprehu ndjenjat e thella për të bijën me fjalë që prekën shumë ndjekës:
“5 vite duke të të dashur ty me gjithë zemër”.
Më tej, Sara ndau edhe një reflektim më personal, duke treguar krenarinë dhe emocionin që përjeton si nënë:
“Si? Poi si? Si u rrite kaq shpejt? Si më bën personin më të lumtur në botë vetëm duke të parë? Si ta shpjegoj këtë ndjenjë? Si ta mbaj zemrën time të qetë kur është kaq plot me krenari?”
Edhe pse Poem Blu këtë përvjetor e festoi pa praninë fizike të të atit, Ledri nuk e la të kalojë pa një reagim simbolik. Ai publikoi në rrjete sociale një foto ku shfaqej një nusepashkë, duke e shoqëruar me një përshkrim domethënës:
“Pak minuta pas orës 00:00, ky mik i vogël erdhi të më vizitonte. Hi5, POI”.
Urimet e Sarës dhe reagimi i Ledrit u pritën me shumë komente pozitive nga ndjekësit, të cilët i uruan vogëlushes edhe shumë vite të tjera të lumtura.
