Fituesi i edicionit të dytë të Big Brother VIP Kosova, Lumbardh Salihu duket se ka vendosur t’i bashkohet politikës duke zgjedhur të aderojë me Lidhjen Demokratike të Kosovës.
Këtë lajm e bëri të ditur vetë kryetari i kësaj partie, Lumir Abdixhiku me anë të disa postimeve në rrjet.
“Një vit më parë, ia fitoi zemrën Kosovës si fitues i Big Brother. Tani, ai po i bashkohet familjes sonë politike për të ardhmen e vendit që e do aq shumë. Mirë se erdhe në shtëpinë e vërtetë më të madhe në Kosovë, Lumbardh”, shkroi Abdixhiku.
