Mbrëmjen e së hënës në “Muzeun Historik Kombëtar”, Amarda Toska dhe Ermal Mamaqi festuan 10 vjetorin e biznesit të tyre “Ami Event”. Të ftuar ishin personazhet më të famshëm të Shqipërisë, të cilët parakaluan një e nga një në murin e famës, për të vazhduar më pas takimet e rastit me njëri-tjetrin. Në fakt ndodh shpesh që personazhe të famshëm që nuk flasim më, apo edhe çifte që janë ndarë, “detyrohen” që në këto evente të ndajnë ambientin e përbashkët. Dhe kuptohet që shumë sy janë tek ata, për të parë se si do të reagojnë. Kështu ndodhi edhe të hënën, kur në mbremjen e Amit dhe Ermali erdhën miqtë e dikurshëm Noizy dhe Enca Haxhia. Besojmë se të gjithë e dini historinë e afrimit e të largimit të tyre, që prej muajsh është shoqëruar nga thashetheme të të gjitha varianteve. E si për t’i vënë kapak, ishte Enca që vendosi të thyente akullin e tentoi të pajtohej me Noizyn. Disa të pranishëm konfirmuan për “revistawho.com” se këngëtarja iu afrua reperit dhe i zgjati dorën. Ndodhi ajo që nuk pritej, Noizy e injoroi! Dhe Enca u largua, me shumë gjasë e penduar nga përpjekja që bëri. Presim “serinë” e radhës./ revistawho.com
