E para me Medalje Ari, Majlinda Kelmendi kampione Olimpike

Majlinda Kelmendi ka shkruar historinë e re për sportin e Kosovës, duke fituar medaljen e artë në Lojërat Olimpike që po mbahen në Brazil. Xhudisjta kosovare ka arritur të fitojë medaljen e artë në Rio, duke mundur në finale italianen Odette Giuffrida dhe duke u shpallur kampione në kategorinë deri në 52 kilogramë. Majlinda rrugëtimin drejt medaljes e nisi duke e kaluar raundin e parë pa luftë, ndërsa në luftën e parë mundi zviceranen Tschopp, pas vetëm 20 sekondave. Në çerekfinale, Majlinda mundi Legentil, nga e cila ishte mposhtur në Lojërat Olimpike të Londrës në vitin 2012. Kalimin në finale, xhudistja kosovare e arriti duke mposhtur garuesen e papërshtatshme japoneze, Misato Nakamura.Kujtojmë se Majlinda ishte pjesë e Lojërave Olimpike të Londrës së vitit 2012, dhe në pamundësi për të përfaqësuar Kosovën, ajo ishte pjesë e ekipit olimpik të Shqipërisë./Lajmi.net/