Pas një vale zërash në portale dhe komente në rrjet, ku përflitej se një figurë publike kishte lidhje me persona të dënuar, emri i Efi Dhedhes nisi të përmendej gjithnjë e më shpesh. Por ish-banorja e “Big Brother VIP Albania” nuk ka qëndruar në heshtje.
Përmes një videoje të publikuar në InstaStory, ajo ka reaguar ashpër ndaj aludimeve, duke i cilësuar si të pabazuara dhe ofenduese.
“Inicialet e mia janë I.Dh dhe jo E.Dh,” është shprehur ajo, duke hedhur poshtë çdo aludim se bëhej fjalë për të.
Efi u shpreh se përhapja e këtyre zërave është një formë sulmi personal që nuk mund të justifikohet dhe dëmton reputacionin e saj pa asnjë fakt konkret.
“Ky lloj sulmi personal është i dëmshëm dhe i pajustifikueshëm,” ka theksuar ajo, duke lënë të kuptohet se nuk do të tolerojë përgojime të mëtejshme.
