Disa ditë më parë këngëtarja Aurela Gaçe publikoi një foto ku tregonte se falë një stërvitjeje intensive dhe ushqyerjes së shëndetshme, ka arritur të ketë linja shumë të mira trupore. Në foton e postuar në “Instagram” shihej qartë se Aurela jo vetëm ka hequr kilogramët e marra gjatë shtatzënisë por edhe ka arritur të ketë një trup të tonifikuar.
Të shumtë kanë qenë ata që e kanë pyetur këngëtaren për sekretin e një rezultati të tillë, që sipas saj është dashuria për veten, ushqimi i mirë dhe shumë punë. Por, ditën e sotme Aurela ka ndarë me ndjekësit e saj një nga sekretet e këtij rezultati, çajin që ajo pi çdo mëngjes esëll.
“Ju prezantoj me këtë çajin që pi esëll, xhinxher, kanellë dhe limon. Por edhe shafran indie, uthull molle e pimë me sezone. Mos më pyesni çfarë bëjnë këto për trupin tonë. Vetëm “google” dhe ju del përgjigjia e mirë.”- ka shkruar Aurela bashkangjitur fotos ku shihet filxhani i çajit që e shoqëron atë çdo ditë. Nga nesër, të gjithë ju që doni të rifitoni peshën tuaj praktikoni këshillën e saj për të parë rezultate.\revistawho.com
