Gjatë një udhëtimi në Barcelonë, në qershor të këtij viti, Venera Lumani mori propozimin më të bukur nga Lind Islami. Ka kaluar kohë që nga ajo ditë dhe çifti i njohur nuk kanë organizuar ende një ceremoni fejese me njerëzit e tyre të afërt. Në një rrëfim për emisionin ‘Rudina’, Venera ka zbuluar se nuk kanë mundur të festojnë për shkak të gjendjes së keqe shëndetësore të gjyshërve të saj.
E emocionuar gjatë intervistës ajo tha: “Akoma nuk kemi bërë një darkë familjare për të mbledhur dy familjet. Fejesa erdhi shumë shpejt, nuk e mendoja kurrë sepse ne bashkëjetonim. Arsyeja përse ende nuk e kemi realizuar një festë për fejesën, është gjendja shëndetësore e gjyshërve të mi. Ata nuk janë mirë. Jam shumë e lidhur me gjyshërit, sepse jam rritur me ta. Mami dhe babi kanë pasur obligimet e tyre dhe unë kam qenë gjithë kohës me ta”. Pavarësisht se Venera dhe Lindi jetojnë bashkë, ajo ka treguar se martesa nuk është në planet e tyre të afërta. Ndërsa përsa i përket familjes që mendon të krijojë me partnerin e saj, këngëtarja tha se dëshiron që në ët ardhmen të jetë nënë e një ose dy fëmijëve. /revistawho.com
