Në fillimet e saj Orinda Huta u prezantua si këngëtare dhe me zërin e ëmbël arriti të fitonte dashurinë e publikut. Disa vite më parë ajo ishte vazhdimisht aktive në muzikë, duke u përfshirë në kompeticione të ndryshme, kryesisht në “Kënga Magjike” apo me videoklipe. Pjesëmarrja e fundit e saj ishte në vitin 2014 me këngën ‘Winnie Winnie Pooh’, bashkëpunim me Landin e West Side Family.
Kohët e fundit më së shumti e kemi parë Orindën të angazhuar kryesisht në emisione televizive. Më i fundit i realizuar prej saj është emisioni ‘Cover’ i dedikuar vetëm për ‘lifestyle’. Por mesa duket fansat kanë filluar ta ndiejnë mungesën e Orindës në skenë dhe angazhimet muzikore.
Në një fotografi që ajo ka postuar në ‘Instagram’, dikush prej ndjekësve e ka pyetur: “A do dalësh përsëri në skenë”. Orinda nuk ka ngurruar të përgjigjet e madje ka dhënë një lajm shumë të mirë se kjo është diçka që kalon në mendje të saj. “Nuk e kam vendosur akoma, por do punoj për të bërë diçka të bukur”, – ka thënë Orinda.
Të gjithë fansat që e adhurojnë zërin dhe këngët e saj e presin me padurim këtë rikthim, prandaj dhe ne do të jemi në pritje të ndonjë projekti të ri interesant. /revistawho.com
