Capital t është një nga reperët më të suksesshëm shqiptarë, i cili prej vitesh tashmë është aktiv me projekte muzikore. Së fundmi, ai publikoi këngën ‘200 ditë’, një këngë që është pritur shumë mirë nga publiku dhe kjo është vënë re nga klikimet që në ditët e para të publikimit. Por pavarësisht këtij suksesi, pasi është pyetur nga fansat në ‘Instagram’, reperi ka pranuar se shpeshherë ka menduar të largohet nga muzika. Ai nuk ka dhënë më tepër detaje se cilat kanë qenë arsyet, megjithatë duket se të paktën në vitin 2019, Capital t ka ndërmend të sjellë akoma më shumë projekte. “Kur do dalë ndonjë album i ri?”, e ka pyetur një nga ndjekësit, ndërsa ai i është përgjigjur thjeshtë: “2019”. Më pas Capital ka publikuar një foto duke shkruar “S’ka të ndalur”, duke paralajmëruar se në datë 1 qershor do të publikohet kënga e tij më e re me titull ‘Mercy’ dhe duket se do të jetë sërish një bashkëpunim me artistë ndërkombëtarë./revistawho.com
https://www.instagram.com/p/Bx7ICEDhhn7/?igshid=1l966ymihlzo3
