Prej disa kohësh Hueyda El Saied është kthyer në Luksemburg së bashku me vogëlushin e saj, Gabriel. Ndryshe nga Shqipëria ku ishte në qendër të vëmendjes së mediave, aty ajo punon në bankë dhe Garbieli ka nisur të shkojë në kopësht. Ky stabilitet në jetën e saj e ka bërë që të ndihet rehat në Luksemburg dhe për momentin nuk e ka në plan rikthimin në Shqipëri. Megjithatë, bukuroshja e ekranit nuk e ka harruar asnjëherë vendin që i dha famën dhe në postimet që bën herë pas here në rrjetet sociale, ajo flet shqip. Së fundmi Hueyda ka publikuar një ‘Instastory’ ku ju përgjigjet të gjithë njerëzve kuriozë, të cilët e pyesin se përse flet shqip, duke ditur që origjina e saj është suedeze. Kjo pyetje duket se e ka prekur atë dhe në përgjigje ajo nis të lotojë.
“Përse flas shqip? Është mëse normale. Kjo është gjuha e nënës sime, gjuha e parë që kam dëgjuar në jetën time dhe gjuha që flas më mirë. Pastaj, mos pretendo të flasësh një gjuhë tjetër mirë, nëse nuk di gjuhën tënde”,- shprehet Hueyda.
“Përse e mbron Shqipërinë? Unë Shqipërinë nuk e mbroj, unë e ndiej atë. Ndoshta sepse jam larg, ndoshta sepse kam nënën time aty, tezen, të afërmit e mi, miqtë e mi të vërtetë, më mungoni”,- shprehet e përlotur showgirl-i./revistawho.com
