Afërdita Dreshaj është mjaft aktive në ‘Instagram’ dhe postimet me njerëzit e saj më të afërt janë të shpeshta. E kemi parë të postojë foto me partnerin, nënën, motrën, vëllain, ndërsa fotot me atin mungojnë, sepse ai ka ndërruar jetë shumë vite më parë.
Pavarësisht se Afërdita e ka treguar shpesh këtë gjë, shumë fansa ende nuk e dinë se babai i saj nuk jeton. Përmes aplikacionit “pyetje-përgjigje” në “Instagram” dikush nga fansat e ka pyetur: “Asnjëherë nuk e kam parë babain tënd në fotot e tua në ‘Instagram’. Pse? Përse shfaqesh vetëm me nënën tënde?”. Duke qenë se kjo është një çështje shumë sensitive për Afërditën, ajo i ka emocionuar të gjithë me përgjigjen e saj.
“Do të doja të publikoja foto me babain tim siç postoj me nënën time…por babai im u nda nga jeta kur unë isha vetëm 12 vjeçe. Ai është engjëlli im”, – ka shkruar Afërdita.
Edhe në ditën e martesës, bukuroshja shqiptare u shoqërua në altar nga nëna e saj në mungesë të të atit dhe për të ai ishte një nga momentet më prekës. /revistawho.com
