I ftuari në puntatë e dytë të ‘3shat’ në ‘Vizion Plus’ ishte Blendi Fevziu dhe biseda e tij me drejtuesit e programit u ndoq me shumë vëmendje. Gazetari më i njohur politik në Shqipëri, u bë pjesë e rubrikës “Makina e së vërtetës” ku u përball me disa pyetje që e sikletosën, por zbuluan edhe gjëra të reja nga ai. Blendi foli për vajzat duke ju përgjigjur pyetjes së Borës: “A e ke menduar veten vjehërr?”, dhe rrëfyeu se nuk e kishte menduar kurrë, por e di që do jetë shumë i keq. Ndërsa pyetjes për cilësitë që nuk dëshiron t’i ketë personi që do jetë pranë vajzave, ai u shpreh: “Ç’punë kam unë, vajza e zgjedh dhëndrin”.
Më tej, Bora u përpoq ta vinte në siklet me pyetjen për rrogën mujore që merr, por nuk ja doli, pasi Blendi u përgjigj shkurt dhe saktë: “Marr më shumë se 7000 euro në muaj”.
Kujtojmë se Fevziu ka një karrierë shumë të gjatë televizive dhe prej vitesh drejton programin ‘Opinion’ që mban vulën e tij dhe është emisioni më i ndjekur politik në Shqipëri. / revistawho.com
