Violinisti i njohur, Olen Çesari, ka qenë ditën e sotme i ftuar në programin ‘E diell’, në një intervistë ku ka rrëfyer detaje nga jeta e tij private dhe karriera. Ai ka folur për projektin e tij më të fundit të titulluar ‘Live in Tirana 2019’, i cili do të mbahet në datat 23-24 prill në Pallatin e Kongreseve.
Ndër të tjera ai ka treguar se nuk ka plane për martesë, ndonëse ka kaluar 1 vit që nga lajmi i fejesës së tij. “Na lini rehat se jemi mirë”, u përgjigj Çesari kur u pyet për planet e ardhshme për martesë.
Oleni shtoi gjithashtu se hera e fundit që është dehur ka qenë shumë kohë më parë, teksa kishte marrë kitarën dhe kishte nisur të kompozonte një këngë të re. “Unë e mbaj mend si krijim edhe pse isha i dehur, ndërkohë kujtoj edhe momentin që kam marrë një shishe me ujë dhe ja hidhja me rradhë gjithë shoqërisë”, kujtoi Oleni duke qeshur.
Kujtojmë se Olen Çesari është një nga figurat më të suksesshme shqiptare, i cili me punën e tij ka bërë krenarë dhe ka çuar peshë zemrat e të gjithë shqiptarëve./revistawho.com
