E pyetën për depresionin e Chrissy Teigen, John Legend ka përgjigjen perfekte

Supermodelja Chrissy Teigen kohët e fundit publikoi një ese mbi depresionin pas shtatzënisë. Pas historisë së Chrissy ka reaguar John Legend dhe mund të themi se këngëtari kishte përgjigjen perfekte. “Për mua si bashkëshort ishte detyra ime të bëja më të mirën për ta mbështetur atë. E ndjej se është më e pakta që mund të bëj. Si mashkull ti nuk e di sesi ndjehet ajo. Ti duhet të lexosh për të kuptuar çfarë është dhe të jesh aty për ta ndihmuar. Ti duhet të jesh pranishëm dhe i përkushtuar”, -tha John Legend për “People”. Këngëtari gjithashtu tha se ishte i lumtur që Chrissy kishte shkruar për eksperiencën e saj duke shpjeguar: “Mendoj se ishte e fuqishme prej saj që i tregoi femrave se ato nuk janë vetëm dhe nuk ka rëndësi sa para ke apo famë, për të gjithë është e vështirë.”/revistawho.com