Një përplasje e fortë ka shpërthyer mes DJ Gimbo-s dhe banorit të “Big Brother VIP Albania”, Rogert, pas një pyetjeje publike që ky i fundit bëri lidhur me ndarjen tragjike nga jeta të vëllait të mitur të Gjestit.
Gjithçka nisi gjatë një bisede, kur Rogerti ngriti pikëpyetje mbi rrethanat e ngjarjes, duke shkaktuar reagime të menjëhershme në rrjet. DJ Gimbo reagoi publikisht, duke e cilësuar pyetjen të papranueshme dhe pa ndjeshmëri, sidomos kur bëhet fjalë për një fëmijë 15-vjeçar dhe për dhimbjen e një familjeje që ka humbur njeriun e saj.
“Nuk mund të luash me fatkeqësinë e dikujt dhe ta kthesh në temë diskutimi para kamerave,” u shpreh ai, duke theksuar se ka kufij që nuk duhen kaluar, pavarësisht lojës mediatike apo kërkimit për vëmendje.
Gjatë debatit, Rogerti u shpreh: “Si ndodhi situata, fatkeqësia e Gjestit? Dua ta di, sepse nuk e kam lexuar.”
Ndërsa DJ Gimbo reagoi me tone të ashpra, duke e konsideruar të papranueshme që një temë kaq e ndjeshme të trajtohet publikisht.
Dj Gimbo: Mendon që unë për atë histori foli para kamerave? O i pafytyrë, s’je në vete! Ti prek te një familje, te një fëmijë 15 vjeç, o qen! O i pafytyrë! O psikopat, o maniak! Ti luan me fatkeqësi të dikujt. Si s’të vjen marre me pyt për një fëmijë që ka vdek tragjikisht?
Reagimi i DJ Gimbo-s ka gjetur mbështetje të gjerë në rrjete sociale, ku shumë ndjekës theksojnë se çështje të tilla kërkojnë ndjeshmëri, respekt dhe përmbajtje, jo spekulim publik.
