E kemi parë të gjithë emisionin “Histori Shqiptare” të gazetares Alma Çupi e cila çdo javë udhëton në një qytet të caktuar të Shqipërisë në zbulim të kuzhinës tradicionale dhe gatimeve të veçanta.
Kur sheh emisionin e saj të krijohet bindja se në aq shumë restorante, shtëpi apo qytete që ka vizituar do të kishte mësuar nga një recetë nga secili vend.
Mesa duket nuk është kështu, pasi e ftuar në rubrikën ‘Për drekë me mua’ me dietologen Blerina Bombaj, Alma ka treguar se nuk gatuan.
“Unë nuk gatuaj sepse ha në shtëpitë e të tjerëve”- ka thënë gazetarja me humor duke treguar dhe një pjesë të së vërtetës.
Në fund të fundit kujt nuk i shijon të hajë gjëra të mira, të eksplorojë receta të reja dhe të mos lodhet duke gatuar. /revistawho.com
