Vetëm 4 ditë më parë Ronela Hajati publikoi projektin e saj më të ri, “Lage” një këngë shumë ritmike për verën. Ajo u prit mjaft mirë nga fansat e Ronelës, por ka pasur edhe nga ata të cilët e kanë kritikuar. Disa persona e kanë quajtur si një këngë shumë të thjeshtë, pa kuptim , por Ronela nuk i ka lënë pa përgjigje as këtë herë kritikuesit. Hajati ka publikuar në ‘Instagram’ një video në të cilën shfaqet duke kënduar këngën e re në versionin për opera. Në këtë mënyrë Ronela ju ka bërë të qartë të gjithëve se mund të këndojë gjithçka, por duhet t’i përshtatet kohës. “Kur më thonë: ‘Ronela kjo kënga e re si shumë e thjeshtë’”, ka shkruar artistja me ironi bashkangjitur videos.
https://www.youtube.com/watch?v=GD7KGrgsrb8&feature=youtu.be&fbclid=IwAR38oZIVvqrzsJ1PNlGVWc_6tsRPAm_yBP4fH_KYrMeEMyyzxknH2h5hJtI
Ronela është treguar gjithmonë e sinqertë duke thënë se do të vazhdojë të bëjë këngë komerciale, për aq kohë sa publiku i pëlqen dhe ecin në tregun e muzikës. Kohët e fundit këngëtarja ka qenë mjaft aktive në muzikë dhe brenda 1 muaji ka publikuar 3 këngë të reja. /revistawho.com
