Cardi B iu përgjigj ashpër komenteve të Elon Musk, i cili e quajti atë një “kukull” pas fjalimit të saj në tubimin pro Kamala Harris në Milwaukee.
Reperja 32-vjeçare, e njohur për reagimet e saj të shpeshta pro ndërgjegjësimit social dhe politikave liberale, iu drejtua Twitter-it për t’iu përgjigjur themeluesit të Tesla-s.
“Unë nuk jam një kukull, Elon,” shkroi Cardi B. “Jam vajza e dy prindërve emigrantë që punuan shumë për të më rritur,” vazhdoi ajo.
Ajo tregoi se ishte rritur në varfëri dhe argumentoi se Musk nuk mund të kuptojë vështirësitë e amerikanëve që luftojnë për të mbijetuar.
Gjithçka nisi pasi Musk postoi një video të fjalimit të saj, ku ajo dukej e shqetësuar për shkak të një problemi me teleprompterin.
Në komentin e tij, Musk shkroi: “Një tjetër kukull që nuk flet dot (me mendjen e saj) pa ia ushqyer fjalët.”
Me këtë koment, ai theksoi mungesën e autenticitetit dhe ndjeshmërisë në fushatën e Kamala Harris, çka solli reagimin e fortë të Cardi B.
Cardi B nuk është e vetmja figurë e famshme që mbështet Kamala Harris përpara zgjedhjeve presidenciale. Jennifer Lopez mori pjesë në një tubim në Las Vegas për të shprehur mbështetjen për portorikanët, ndërsa Beyoncé, duke folur në Hjuston, i bëri thirrje publikut të votojë, duke theksuar rëndësinë e pjesëmarrjes në zgjedhje.
