E refuzon këngëtarja në fillimet e tij, Elgit Doda: Mu duk sikur rashë në humnerë

I ftuar në emisionin “Tek Unë” me Arjola Shehun, Giti siç e thërret shoqëria artistin, ka treguar për fillimet e tij në muzikë. Elgit Doda, një nga kompozitorët e rinj e të suksesshëm, ka ndarë me publikun një histori përsa i përket fillimeve të tij. Ai me humor kujton sesi u ‘refuzua’ herën e parë nga këngëtarja shqiptare, Rezarta Shkurta. “Artistja e parë që kam patur në studio ka qenë Rezarta Shkurta. Isha pak i ndrojtur në atë kohë dhe vendosa t’i tregoj këngën. Ajo e dëgjon dhe më thotë: “Nuk bën fare.” Aty mu duk sikur rash në ndonjë humnerë.” Rezarta shtoi më pas se ai ishte i talentuar, por i duhej pak më shumë kohë. Gjithsesi duke qeshur Elgiti shprehet se ai nuk ishte më ngushëllim.