Noor Tagouri është një vajzë me shtetësi amerikane dhe kombësi libaneze. Ajo është reporterja e parë në rrjetet kombëtare televizive amerikane me shami, ose ndryshe hijab. Vendimi për të pozuar në faqet e tetorit të revistës Playboy e veshur hixhabin, është një veprim që ka gjeneruar lëvdata, por njëhohësisht edhe mosaprovim. Më parë ajo është fotografuar edhe për faqet e revistës Renegades, në një suplement, bashkë me një aktiviste të seksit, një aktor e shumë meshkuj e femra, që kanë sakrifikuar çdo gjë, për të bërë atë që duan më shumë, shkruan “Class”. Brenda këtij viti, revista e guximshme Playboy ka ndryshuar linjën e saj editoriale dhe ka bërë shumë ndryshime, ndër kryesoret kufizimin e vajzave të zhveshura në faqet e tij. 22-vjeçarja Tagouri, që shkruan për portalin Newsy, u fotografua e veshur me një palë xhinse të zeza, all stars, një xhup lëkure dhe natyrisht me shami. Komentet fyese dhe negative, sigurisht që nuk munguan, por siç thotë vetë Tagouri, përpqet mos iu kushtojë rëndësi. “Nuk i lexoj, nuk iu kushtoj aspak rëndësi. Është thjesht një energji negative, që nuk më bën mirë për shëndetin”.
