E RRALLE NE ITALI/ Përndiqte kudo ish-të dashurën me dron, pranga 52-vjeçarit

Një 52-vjeçar është denoncuar për përndjekje dhe armëmbajtje pa leje në Padova të Italisë. Ai është ndaluar nga policia teksa ndiqte ish-të dashurën e tij. Në makinë iu gjet një shkop gome dhe një thikë. Sipas denoncimit të gruas, burri e persekutonte prej kohësh, duke e kontrolluar ditë-natë me dron. 52-vjeçari sipas mediave në vendin fqinjë, nuk e kishte pranuar kurrë ndarjen. Me kalimin e kohës ai nisi kërcënimet aq sa gruaja nuk lëvizte më e vetme. Këtë të premte ajo kuptoi se po e ndiqte sërish dhe lajmëroi policinë që monitoroi situatën. Për të kuptuar më shumë, policët i kërkuan zonjës që të ndryshonte disa herë drejtimin e rrugës. Më pas ata kryen arrestimin në flagrancë të 52-vjeçarit. Në makinë iu gjet edhe një kamera, dy tablet dhe një dron./ revistawho.com