Një “iPhone7” i shpëtoi jetën! Kjo është historia e një gruaje e cila i mbijetoi sulmit të frikshëm në Las Vegas ku mbetën të vrarë 59 persona. Ajo mund të kishte qenë viktima e 60 e vrasësit Stephen Paddock, por celulari e shpëtoi. Siç ajo vetë i ka rrëfyer shoferit të taksisë që e shoqëroi në shtëpi pas mbylljes së koncertit që u transformua në masakër, telefoni devijoi plumbin që mund ta kishte vrarë.
Ky nuk është i vetmi rast ku teknologjia ka ardhur në ndihmë pas kësaj tragjedie. Heather Gooze, një grua e pranishme në vendin ku ndodhi vrasja massive, tregoi për CNN se kishte parë të vdiste një djalë të ri, që më vonë u mësua se ishte vetëm 23 vjeç. Kanadezi Jordan Mclldoon ishte një i panjohur për të. Në atë çast ajo mendoi se duhet të lajmëronte prindërit e të riut. “Nuk doja që të ishte një trup pa emër. Ndjeva si detyrim që të ndihmoja familjen e tij”, u shpreh ajo. Kështu përdori asistenten virtuale Siri, duke i kërkuar “telefono mamin” përmes “iPhone”-it, duke arritur të flasë me të ëmën e viktimës./ revistawho.com
