Mbrëmjen e djeshme, gjyshja e Bes Kallakut, mbushi 80 vjeç. Aktori bashkë me familjarët e tij kishin vendosur t’i organizonin një festë madhështore dhe duket se Ija e ka shijuar në maksimum. Përveç kësaj surprize, nuk kanë munguar edhe dhuratat. Besi ka publikuar një varëse floriri që shkruan ‘Ija’ me një zemër në fund, duke lënë të kuptohet që kjo është dhurata e tij për gjyshen. Gjithçka ka qenë e menduar në detaje, pasi torta kishte formën e një kopshti me fruta dhe perime, ndërsa në një faqe muri lexohej ‘Gëzuar 80 vjetorin’. “Ija ime, shpirti im i butë, luledelet e mia, natyra ime, thjeshtësia ime, kripa e bukës time, perëndesha e fëmijërisë time, urime 80-vjetorin. Të dua sa 100 diej. Lavdi zotit të kemi në formë”, ka shkruar Besi në një postim në ‘Instagram’, ku ka publikuar momente me Ijen nga festa. E pranishme ishte dhe Xhensila, ku në një video të publikuar nga Besi, shfaqet duke kërcyer me gjyshen e tij./revistawho.com
https://www.instagram.com/p/BwdH9_MHAp1/?utm_source=ig_share_sheet&igshid=1qcs03zbf283t
