Ditën e nesërme do transmetohet puntata e radhës së spektaklit të humorit ‘Duplex’. Plot surpriza dhe të qeshura, kasti i aktorëve të mirënjohur do të argëtojë publikun siç vetëm ata dinë. Burime për ‘RevistaWho.Com’ kanë zbuluar se të ftuar për këtë të shtunë do të jenë tre vajza të njohura dhe shumë të dashura për publikun.
Zana Çela, e cila i ka munguar prej kohësh ekranit, do të shfaqet këtë herë në ‘Duplex’ dhe do bëhet pjesë e skeçeve të organizuara nga aktorët e njohur. Pas pjesëmarrjes së disa javëve më parë të Ermal Mamaqit, këtë herë pjesë e spektaklit do të bëhet Amarda Toska, bashkëshortja e tij. Ndërsa e ftuara e fundit do të jetë, aktorja dhe moderatorja e njohur Rudina Dembacaj, për të cilën skena e humorit është vendi ku nisi karriera televizive.
Kaq mjafton për të kuptuar se kjo e shtunë do të jetë mbrëmja e emocioneve dhe argëtimit të madh. Julian Deda, Albano Bogdo, Cubi, Visjan Ukcenaj dhe anëtarët e tjerë të trupës së ‘Duplex’ do ju bëjnë të qeshni dhe të harroni problemet që ju kanë shqetësuar gjatë javës me batutat dhe humorin që vjen natyrshëm. Mos harroni t’i ndiqni të shtunën mbrëma në ekranin e ‘Klan Tv’ në 20:05. /revistawho.com
