Jeni ndër ata persona që nuk hapni dot sytë pa pirë një kafe? Për një pjesë të madhe të njerëzve kafja është shpëtimtarja e vetme e ditëve të lodhshme dhe të mbushura me aktivitet. Megjithatë ka shumë raste që disa persona e teprojnë me konsumimin e kafes duke rritur kështu nivelin e kafeinës në sistem dhe duke u kthyer në një problem.
Nëse e teproni me konsumimin e kafes atëherë do të filloni të ndiheni të shqetësuar dhe të keni dridhje trupi. Simptomat e tjera mund të përfshijnë rrahje të shpeshta të zemrës, të vjella, marramendje, djersitje, madje dhe arrest kardiak. Megjithatë persona të ndryshëm reagojnë ndryshe ndaj konsumimit të tepruar të kafeinës. Gjithsesi sipas USDA (Departamenti i Agrikulturës) ju nuk duhet të konsumoni më shumë se 400 miligramë kafe në ditë.
Por nëse keni simptomat e lartpërmendura duhet të filloni të ndiqni disa hapa. Si fillim duhet të konsumoni një shishe me ujë për të larguar gjithë sasinë e tepërt të kafeinës. Së dyti duhet të ushtroheni, të filloni të merreni me yoga ose të ecni. Së treti duhet të konsumoni ushqime të pasura me magnez dhe kalium. /revistawho.com
