Aktorja e njohur, Demi Moore i ka lënë oa fjalë fansat me të pathënat në librin e saj autobiografik, “Inside Out”.
Në një fragment, aktorja thotë se e ka tradhtuar ish-bashkëshortin e saj të parë, Freddy Moore me një djalë që e takoi në sheshxhirimin e një filmi, pas festës së beqarisë, disa orë para dasmës.
“Natën para dasmës, telefonova një djalë që takova në sheshxhirimin e një filmi. Ika me vrap nga festa ime e beqarisë dhe shkova në apartamentin e tij”, shkruan ajo.
“Nuk mund ta pranoja faktin që martesa ishte thjesht një mënyrë për të shpërqendruar veten nga pikëllimi pas vdekjes së babait tim. Nuk mund ta vija më në dyshim atë që po bëja. Nuk mund të largohesha thjesht nga një martesë, por mund ta sabotoja atë”, ka shtuar aktorja. Emri i vërtetë i saj është Demi Gene Guynes dhe mban pikërisht mbiemrin e muzikantit Freddy Moore.
