E vërteta e dasmës së çiftit Marina-Getoar, ja çfarë thonë miqtë e tyre

Në të vërtetë nuk ka asnjë datë. Që Geti e quan Marinën “gruaja ime”, kjo nuk i bën më ҫudi askujt, por ajo që duan të dinë të gjithë është kur do të ndodhtë kjo zyrtarisht. Lajmi që qarkulloi këto ditë për martesën e mundshme të Getit dhe Marinës u bë kryefjala e mediave rozë. Një datë e publikuar fillimisht nga lajmi.net, u përhap me shpejtësi gjithandej. Geti dhe Marina kanë vendosur të martohen më 16 dhjetor? Martesa e shumëpërfolur, vetëm disa muaj më parë mendohej se do të mbahej në tetor, por meqë ky muaj është në ditët e tij të fundit dhe lajmi rezultoi i pavërtetë, me sa duket u desh të ngrihet një flluskë tjetër sapuni. Kështu, raportime të ndryshme nga mediat dhe portalet shkruan se dasma e ҫiftit të njohur të showbiz-it do të mbahej në Tiranë, më 16 dhjetor. Por asgjë nuk ka të vërtetë as këtë herë. Lajmin e mohon së fundi Prive, duke cituar burime të afërta të ҫiftit. Miq të afërt të Getit dhe Marinës kanë mohuar lajmin e bërë publik ditët e fundit, madje edhe deklarojnë se martesa nuk është në planet e afërta të ҫiftit. Siҫ citon Prive, miqtë dhe familjarët nuk kanë dëgjuar të përmendet martesa deri tani. Nuk ka asnjë lajm për eventin, as ftesa, madje as biseda mes miqsh për këtë dasmë që mendohej se do të ishte në fund të vitit.