Modelja Adriana Lima është një nga modelet më seksi të Victoria’s Secret, por ajo duket se është mjaft selektive me meshkujt.
Diçka e tillë dëshmohet edhe nga deklarata e saj për Justin Bieber. Në të vërtetë, pasi bukuroshja braziliane është ndarë nga bashkëshorti i saj, basketbollisti serb Marko Jaric, mediat kanë shkruar për romancën e saj të mundshme me këngëtarin e ri problematik Bieber.
Megjithatë duket se Lima i ka dhënë njëherë e mirë fund thashethemeve përmes një deklarate. “A e dini se si i quaj meshkujt që janë nën dy metra të gjatë? Shokë!”, ka deklaruar ajo.
Dhe duket se kjo është e vërtetë, pasi edhe Marko ishte mbi dy metra i gjatë, ndërsa edhe i dashuri i saj pas ndarjes nga basketbollisti, e i cili ishte edhe trajneri i saj personal, ishte mbi dy metra.
Por edhe miqtë e saj konfirmojnë se ajo preferon vetëm meshkujt e gjatë për lidhje romantike.
