Para disa ditësh kjo vogëlushe arriti të nxirrej e gjallë nga rrënojat në Siri dhe shpëtimi i saj përloti botën. Mirëpo në një dalje për mediat babai i saj ka treguar të gjithë prapaskenën e këtij shpëtimi të vogëlushes së tij. Babai ka thënë se ndodhej në dyqan kur aeroplani në Siri nisi sulmin ajror. Menjëherë ka dalë nga dyqani dhe ka shkuar drejt shtëpisë. Babai ka treguar tmerrin që ka parë me sy, pasi e gjithë lagjja ishte e shkatërruar. “Hyra në shtëpi dhe nuk gjeta askënd. Më pas vrapova për të shpëtuar vajzat e mia, njërën katër muajsh Wahida dhe tjetrën 3 vjeçe, Sinar. Kur po gërmoja në dhomën e gjumit, gjeta dorën e Wahida dhe ajo ma shtrëngoi gishtin”. I ati i vogëlushes tregon me lot në sy se kanë gërmuar plot dy orë që Wahida të dilte e gjallë nga gërmadhat. Gjithashtu 32-vjeçari ka shtuar se nga sulmet ajrore, ai ka humbur gruan e tij.
