Këngëtarja e njohur e skenës shqiptare, Mariza Ikonomi ka ndarë me ndjekësit në rrjetet sociale një foto të mamasë së saj, teksa i ka kushtuar dhe fjalët më të ndjera në ditën e lindjes.
“Snezhanka ime e bukur! Gëzuar ditëlindjen. Ti je krijesa më e bukur që unë kam parë. E dua shumë shpirtin, zemrën tënde që i ngjan një oazi të ëmbël ndjenjash e dashurie e që e fal pa kursim për të gjithë njerëzit. Trupi jot është kaq i bukur sa mua më duket si ajo klima tropikale ku pas diellit ka gjithmonë freski dhe pas shiut gjithmonë ngrohtësi. E dua guximin tënd sepse je e vetmja që e ke mbështetur ëndrrën time kur të gjithë më thoshin të hiqja dorë prej saj. Unë do vazhdoj të besoj tek ëndrra ime sepse ti je pjesë e saj. Edhe 100 mamka ime”, ka shkruar Ikonomi krah këtij postimi, ku nuk kanë munguar urimet e ndryshme edhe nga miqtë e këngëtares.
Ndonëse Mariza ndan rrallëherë foto nga familja e saj, duket se kësaj here ka bërë një përjashtim në ditën e lindjes së më të shtrenjtës së saj, mamasë./revistawho.com
https://www.instagram.com/p/CAcwmRCJGOF/
