Marina Vjollca dhe Getoar Selimi prej pak ditësh janë zhvendosur në Las Vegas në SHBA. Duke qenë se ndodhen atje ata nuk kanë humbur rastin për të udhëtuar drejt Kalifornisë, vend në të cilin është mbajtur edhe ceremonia e ndarjes së çmimeve ‘Golden Globes’. Marina dhe Geti kanë pasur mundësinë të ndjekin nga afër këtë event kaq të rëndësishëm të botës së filmit dhe televizionit.
Moderatorja e njohur ka ndarë më të gjithë ndjekësit e saj në ‘Instagram’ video në të cilat ka treguar se ka parë nga afër disa nga aktorët më të njohur. Në njërën prej tyre ajo shihet duke pritur në radhë në të njëjtën kohë me aktorin e njohur anglez, Hugh Grant.
Jo të gjithë e kanë mundësinë të vrojtojnë nga afër se çfarë ndodh në evente të përmasave të tilla, ndaj Marina duhet të ndihet vërtet me fat për këtë gjë. /revistawho.com
