Një nga figurat më të dashura të ekranit shqiptar, Luana Vjollca ka festuar sot ditëlindjen e saj të 28-të. Në adresën e moderatores kanë mbërritur padyshim urime nga më të ndryshmet nga të gjithë ndjekësit dhe miqtë e saj. Megjithatë në një ditë speciale si e sotmja Luana ka menduar të bëjë dhuratën më të bukur fansave që e ndjekin dhe mbështesin prej kohësh.
Vjollca publikoi klipin e saj më të fundit me titull ‘Ti Amo’, që siç ka treguar dhe në llogarinë e saj në ‘Instagram’ është xhiruar nga fillimi deri në fund pa asnjë ndalesë.
“Ja ku është dhurata ime e ditëlindjes për ju. E xhiruar nga fillimi deri në fund pa ndalesë kamere, pa montazh”, ka shkruar Vjollca krah videos së këngës.
Pas këtij momenti fansat kanë shprehur menjëherë entuziasmin e tyre duke lënë komente nga më pozitivet në postimin më të fundit të saj.
Në të njëjtën kohë Luana është duke u përgatitur edhe për sezonin e ri televiziv, i cili pritet ta sjellë shumë shpejt çdo të shtunë në ekranin e ‘Top Channel’./revistawho.com
https://www.instagram.com/p/B16jC_XH7Qj/?igshid=1bmnrxllia1v7
