Këtë të shtunë në puntatën e tretë të programit shumë të dashur nga shqiptarët “Shiko Kush LUAN”, ka qenë e ftuar, Iris Luarasi. Ajo ka zbuluar një fakt interesant lidhur me disa nga ish-studentët e saj, që tashmë janë emra mjaft të njohur për publikun. E pyetur se cilët personazhe të njohur, të cilët kanë qenë dikur ish-studentë të saj që kanë mbetur në klasë, pedagogia zbuloi katër emra. “Në fakt do ju them katër emra të cilët tani i kam shumë miq por në kohën kur ishin studentë kanë mbetur në klasë. Janë: Arbana Osmani, Jonida Shehu, Erl Murati dhe Artan Hasani”, tha ajo gjatë sfidës “Ndaje ose Haje”. Dy moderatoret tani gëzojnë një famë të madhe pavarësisht rezultateve të tyre në shkollë.
