Ed Sheeran është një nga këngëtarët më të dashur dhe popullorë në të gjithë botën. Këtë të shtunë në rrjetin social ‘Instagram’ me anë të një fotoje ai lajmëroi se është fejuar me Cherry Seaborn. 26 vjeçari konfirmoi se ai i kishte propozuar të dashurës së tij në fund të 2017-s dhe ajo kishte thënë “PO”. Këngëtari shkruajti në ‘Instagram’: “I gjeta vetes një të fejuar pak para Vitit të Ri. Ne jemi shumë të lumtur dhe të dashuruar me njëri-tjetrin, po ashtu edhe macet tona.” Ai e ndau këtë lajmërim me fansat e tij me anë të një foto ‘Polaroid’, në të cilën Ed dukej duke përqafur dhe duke puthur në faqe të fejuarën e tij. Ed Sheeran dhe Cherry Seaborn kanë qenë së bashku në të njejtin gjimnaz. Mendohet se ata kanë filluar të dalin me njëri-tjetrin që në vitin 2015 dhe e kanë mbajtur marrdhënien e tyre private. Cherry u zhvendos në Karolinën e Veriut për të ndjekur studimet e larta, por u kthye përsëri në Britani në dhjetor të 2016-s për të qëndruar pranë të dashurit të saj. Ed Sheeran është frymëzuar nga Cherry për të shkruajtur këngët “Shape of You” dhe “Perfect”, ndaj me siguri dhe Cherry duhet të ndihet një vajzë më shumë fat për partnerin e saj.
