Aktori dhe komiku i njohur Eddie Murphy, gjatë një interviste ka zbuluar se dy kolegë të tij të famshëm, e kanë quajtur qyqar sepse nuk donte të merrte kokainë dhe heroinë nëpër festa. “Rrëfimi im jetësor do të dukej shumë më ndryshe po të kisha filluar të drogohesha me Robin Williams dhe John Belushi, kur ata më ofronin kokainë dhe heroinë”, ka deklaruar Eddie, i cili për jetën e tij të pastër, thotë se duhet falënderuar familjen dhe besimin. Edhe pse kolegët e tij e tallnin se ishte një qyqar, ai thotë se sot është shumë i lumtur. Aktori me prejardhje shqiptare John Belushi, ka vdekur nga mbidoza me drogë, ndërsa Robin Williams ka kryer vetëvrasje. “Kishte shumë ngjarje të tilla që kanë mundur të më rrënojnë. Kjo vetëm konfirmon besimin tim, unë e di se Zoti është i vërtetë”, ka shtuar Murphy, i cili ka zbuluar se planifikon t’i kthehet stand-up komedisë, shkruan “Lajmi.net”. Eddie ka folur edhe rreth kontroversës që lidhet me Akademinë e Artit Filmik, e cila ndan çmimet Oscar. “Nuk mendoj se ata janë racistë. Ata vetëm zgjedhin ata që ju ofrohen. Çështja është në atë se studiot filmime duhet të fillojnë të shkruajnë më shumë role për njerëzit e racave të ndryshme”, mendon Murphy.
