Edhe këngëtari kosovar Ardian Bujupi gjendej në Francë gjatë momenteve të tmerrshmeve të sulmeve terroriste.
Pasi u raportua se Shkodran Mustafi dhe një aktor nga Kosova gjenden në Paris, i radhës ishte Ardian Bujupi.
Një prej përfaqësuesve të tij në Kosovë, Egzon Krasniqi, ka konfirmuar me anë të rrjeteve sociale se Ardiani është në Paris dhe koncerti për të cilin ka shkuar nuk do të zhvillohet, shkruan Telegrafi.
Në mesazhet e shkëmbyera me përfaqësuesin e tij Ardian Bujupi e përshkruan gjendjen si kaotike me shumë policë nëpër rrugë.
Rreth 60 persona kanë vdekur dhe mbi 100 po mbahen peng në sulme të koordinuara terroriste në Paris.
