Prej ditës së djeshme ka nisur ‘Panairi i librit’, ku është pjesë edhe shefi i njohur Renato Mekolli. Ai ka bërë me dije se të gjithë adhuruesit e gatimit duhet ta vizitojnë në stendën e shtëpisë botuese ‘Dudaj’ për ta takuar dhe për të marrë librin e ri ’50 shijet e pastave’.
Ditën e sotme ai ka publikuar një video shumë gazmore me disa fëmijë të vegjël. Prej javësh siç dihet Renato është moderator dhe shef kuzhine në ‘Hell’s Kitchen’, emisioni shumë i ndjekur i gatimit në ‘Top Channel’. Fëmijët e vegjël siç duket janë ndjekës të rregullt të tij dhe nuk e kanë humbur shansin që kur ta takojnë Renaton ta imitojnë. “Dhe fëmijë të irrituar shfaqen në stendë. #50shijetepastave mbledh gra, burra, fëmijë që presin për autografe. Ju mirëpres çdo ditë nga ora 10:30 në panairin e librit nga botimet Dudaj”,-shkruan shefi i njohur krahas videos gazmore. Siç duket suksesi i emisionit të gatimit rritet çdo ditë, duke kaluar pritshmëritë./revistawho.com
https://www.instagram.com/p/BqNZFXqBYBA/?utm_source=ig_share_sheet&igshid=7v1ldt5c8ya5&fbclid=IwAR00cvXXhX5NkG9jwEM319os9sZwcE8dtXHv6R4bP3dZ7Gdg37LCvjFiskc
