Jemi rritur me këngët dhe muzikën e tyre ndër vite. Duket se ka ardhur koha t’u rikthehemi hiteve, tekstet e të cilave dikur i dinim përmendësh dhe i këndonim kudo.
Në datën 16 maj, në Pallatin e Kongreseve katër emrat më të suksesshëm të muzikës shqiptare Irma Libohova, Rovena Dilo, Eneda Tarifa dhe Besa Kokëdhima do të mbajnë një recital ku çdo performancë do të jetë live.
Njoftimin zyrtar e ka bërë këngëtarja Irma Libohova nëpërmjet një postimi në llogarinë e saj personale në ”Instagram”.
“Për herë të parë Irma, Rovena, Eneda dhe Besa vijnë në një recital madhështor Live! Një udhëtim magjik ndër vite me hitet më të njohura, në shoqërimin e orkestrës simfonike, nën drejtimin e Elton Dedës. Performancat më moderne e artistike do ju rrëmbejnë mbrëmjen e 16 Maj, Ora 20:00. “Divas Live” në Pallatin e Kongreseve”- ka shkruar këngëtarja në “Instagram”.\revistawho.com
https://www.instagram.com/p/Bhv9D44BR9J/
