Nëse ka një gjë që i bashkon njerëzit ajo është muzika dhe rasti konkret është reperja shqiptare Loredana. Pavarësisht zhurmës së madhe që bëri pak javë më parë fakti që ajo u akuzua për mashtrim, sot pak orë pas publikimit të këngës së re ‘Labyrinth’, klipi është renditur i treti në këngët më të dëgjuara të momentit në Zvicër. Siç duket suksesi i radhës për reperen do të jetë kjo këngë dhe vlerësimet kanë nisur që tani.
Loredana anulloi pak ditë pas lajmit për problemet me drejtësinë koncertet e saj dhe mori pak pushim nga muzika, por gjithsesi publikoi këtë projekt që kishte kohë që përgatitej. Vetëm në 22 orë, kënga e re ka arritur më shumë se 1 milionë klikime dhe shifrat vetëm rriten. /revistawho.com
