Sado princ të jesh, ka gjithmonë disa momente që mund të dalësh nga rregullat e protokollet, dhe një gjë e tillë i ka ndodhur edhe princit të vogël, Xhorxh. Princi, ka patur një moment zemërimi falë moshës së tij të vogël, në një event zyrtar me prindërit e tij . Ishte dalja e tij e parë mbretërore në ”Royal international Air Tattoo”, një event ky i Forcave të Armatosura Britanike . Por, ky event mjaft i rëndësishëm, do të mbahet mend gjithashtu , edhe si hera e parë ku princ Xhorxh, u soll si çdo fëmijë i moshës së tij në një event. I shoqëruar nga prindërit e tij , Kate Middleton dhe Princ William, vogëlushi pati një moment dobësie duke thyer kështu protokollin mbretëror. Por, gjithsesi ky zemërim i falet princit të vogël , ku dhe për pak javë mbush 3 vjeç. Ai thjesht ishte i frikësuar nga zhurma e helikave të avionëve dhe helikopterëve , dhe kjo gjë e bëri atë të qante. Që ai të pushonte, Keit-it iu desh ta merrte në krahë për ta qetësuar.
Më vonë, çdo gjë u zgjidh duke i vendosur princit vogëlush një palë kufje, për t’a mbrojtur nga zhurmat. Edhe pse princi i vogël i harroi për një moment sjelljet e tij mbretërore dhe krijoi një shfaqje të tërë për fotografët, ai thjesht mbetet një fëmijë dhe si çdo fëmijë ai ka momentet e tij.
