Arbana Osmani përmbylli mbrëmë 4 muaj e gjysmë punë me drejtimin e finales së madhe të “Big Brother VIP”. Me këtë rast, moderatorja dha edhe lajmin e ëmbël se këtë “Big Brother” nuk e ka prezantuar vetëm pasi është në pritje të ëmbël. Përpos disa komenteve tek-tuk që aludonin për shtatzëni, të tjerëve u erdhi i papritur ky lajm pasi Arbana gjatë gjithë kësaj kohe është shfaqur në formë dhe shumë elegante. Si e ka arritur këtë? Sekreti është veshja. Në shumicën e puntatave të së martës dhe të premtes, Arbana është shfaqur e veshur me kostume ose fustane-kostum që më së miri e mbulojnë pjesën e barkut dhe e tregojnë tepër elegante. Pikërisht kostumet ishin pika e fortë e Arbanës këtë “Big Brother” dhe disa prej tyre ia sjellim më poshtë për t’i rikujtuar.
