Aktori dhe komediani i njohur, Billy Eichner ishte i ftuar së fundmi në emisionin e Jimmy Kimmel për të promovuar filmin më të ri ‘The Lion King’. Ndër shumë detaje të treguara për herë të parë, ai zbuloi se edhe vetë Beyonce ishte nervoze për takimin me Meghan Markle dhe Princ Harry, duke i habitur të gjithë me këtë deklaratë. Ai shtoi se arsyeja pse ata ishin të nervozuar ishte sepse familja mbretërore kishte dërguar një ‘email’ ku shpjegonin se si duhet të sillesh dhe t’i përshëndesësh pjesëtarët e pallatit ‘Kensington’.
Kujtojmë se kasti i filmit ‘The Lion King’ ishin në Londër në datë 14 korrik për të paraqitur atje premierën, me një sërë të ftuarish nga bota e ‘showbiz-it’ dhe jo vetëm. Takimi i dukës dhe dukeshës së Sussex me çiftin e muzikës pop, tërhoqi jo pak vëmendjen e të gjithë fansave në mbarë botën./revistawho.com
https://www.instagram.com/p/B0B6J7dBnRd/
