Pas largimit nga “Big Brother VIP Kosova 4”, Edi nuk e ka mbyllur ende kapitullin me shtëpinë më të famshme në Kosovë. Përmes një reagimi publik në rrjetet sociale, ish-banori ka bërë të qartë se dëshiron të rikthehet në lojë dhe këtë herë, mbështetjen po e kërkon drejtpërdrejt nga publiku.
Në një postim në Instagram, ai u është drejtuar ndjekësve duke i ftuar të bëhen aktivë në çdo hapësirë ku përmendet formati, me qëllimin e vetëm: rikthimin e tij në garë. “E kam një lutje, në çdo postim te faqja zyrtare e Big Brother, në çdo gazetë, në çdo postim të komentoni dhe të kërkoni rikthimin e Eduard Kuqit (Edit). Hajde sepse ju mundeni ta riktheni Edin në Big Brother”, ka shkruar ai, duke lënë të kuptohet se ende beson në një mundësi tjetër.
Kujtojmë se Edi u eliminua nga BBVK 4 pas një televotimi vendimtar, ku publiku u pyet nëse duhej të vazhdonte apo jo qëndrimin e tij në shtëpi. Vendimi erdhi pas disa situatash të tensionuara, të shoqëruara me deklarata dhe sjellje që shkaktuan polemika të forta, si brenda formatit ashtu edhe jashtë tij.
